Буа машина төзелеше заводы мобилизацияләнгән кешеләргә тактик инструментлар тапшырды
Буа мотор заводы 200 пардан артык тактик армия кораллары ( крюки-кошки) җитештереп, мобилизацияләнүчеләргә озатты. Бу хакта телеграм-каналда район башлыгы Ранис Камартдинов сөйләде.
«Буа районыннан мобилизацияләнгән ир-атлар укуда һәм хезмәттә кирәкле тактик армия инструментын (крюки-кошки) алды. Бу металл продуктларны саперлар да куллана. Мобилизацияләнүчеләр завод хезмәткәрләренә махсус инвентарь, оператив әзерлек һәм китереп җиткергәннәре өчен ихлас рәхмәтләрен белдерделәр. Һәм мин яңадан район предприятиеләренә ярдәм итүләре өчен рәхмәт белдерәм», - дип язды Ранис Камартдинов.
Инструмент җитештерүне сорау мобилизацияләнгәннәрдән килде. Исегезгә төшерәбез, Буа районы җитәкчелеге атна саен җыю пунктында һәм танк полигонында ир-егетләребезгә кирәкле әйберләре булган посылкаларны тапшыра.