Узып баручы кешене кыйнаган егеткә хөкем чыгарганнар

Буа шәһәр прокуратурасы 20 яшьлек җирле кешегә карата җинаять эше буенча дәүләт гаепләвен хуплады. Суд егетне РФ Җинаять кодексының 112нче статьясының 1нче бүлегендә каралган җинаять кылуда гаепле дип тапкан (сәламәтлеккә белә торып уртача авырлыктагы зыян китерү).

Судта хөкем ителүченең 2022 елның 30 июнь иртәсендә узып баручы белән тартырга тәмәке бирүдән баш тарту сәбәпле низаг кузгатуы ачыклана, шуннан соң аның йөзенә аягы белән бәрә. Маңгай һәм борын сөякләре сыну белән ир-ат  хастаханәгә салынды.

Гаепләнүче үз гаебен таныган. Суд аңа алты ай сынау срогы белән шартлы рәвештә бер ел иректән мәхрүм итү җәзасын бирде.

Хөкем карары законлы көченә керде.