Буада Советлар Союзы Геройлары һәйкәлләренә чәчәкләр салдылар

2022 елның 9 декабре, җомга

Ел саен 9 декабрьдә Россиядә Ватан Геройларын искә алалар. Истәлекле дата 2007 елда билгеләнде. Бу көнне каһарман ата-бабаларыбыз истәлегенә генә түгел, хәзерге Советлар Союзы Геройларын, Россия Федерациясе Геройларын, Дан ордены кавалерларын хөрмәтлиләр. Гадәттәгечә барлык төбәкләрдә дә истәлекле чаралар, тематик акцияләр һәм Мәңгелек утка чәчәкләр салу тантаналары үткәрелә.

Буада да геройларны искә алдык. Чарада катнашучылар Мәңгелек утка, Советлар Союзы Геройларына һәйкәлләргә чәчәкләр куйдылар һәм һәлак булган ватандашларын бер минутлык тынлык белән искә алдылар.