Буа волонтерлары махсус хәрби зонага 200дән артык тактик носилка тапшырдылар
Буа районы остаханәләре махсус хәрби операция зонасындагы сугышчылар ихтыяҗлары өчен 3 маскировка челтәре үреп, 220 тактик носилка тапшырган. Зур Фролово авылындагы хәйрия складында эш алып барыла, дип хәбәр иттеләр Буа районы матбугат хезмәтендә.
Шулай ук махсус хәрби операция зонасына 80 окоп шәме, 10 мич һәм 400 пардан артык йон оекбаш һәм бәйләнгән муенса җибәрелгән. Волонтерлар цехында эш көндәлек режимда бара.
Район хакимияте дә ярдәм күрсәтә. Ноябрь азагында, шәхси посылкалардан тыш, сугышчыларга квадрокоптерлар һәм коткару одеяллары тапшырылды.
Элегрәк Буа районы башлыгы Ранис Камартдинов үзенең телеграм-каналында хәбәр иткәнчә, районда мобилизацияләнүчеләр гаиләләренә ярдәм итү өчен волонтерлык хәрәкәте булдырылган. Мондый карар гаиләләрдә шәхси очрашу барышында кабул ителде. Исегезгә төшерәбез, башлыкның һәм аның урынбасарларының хәрби хезмәткәрләрнең туганнары белән шәхси очрашулар районда республикада беренчеләрдән булып башланды.