Карантинлы үләннәр корыга калдыра

Җир йөзендәге үсемлекләр, бөҗәкләр арасында карантинлылары алай ук күп түгел, әмма зыяннары зур. Аларны вакытында ачыклауда һәм бетерүдә контроль һәм даими тикшерүләр ярдәмгә килә. “Россельхознадзор”ның Татарстан Республикасы буенча идарәсе инспекторлары бүген нәкъ менә орлыкчылык хуҗалыкларындагы, питомниклардагы, дәүләт сорт участокларындагы авыл хуҗалыгы культуралары җирләрен, утыртмаларны тикшерү белән шөгыльләнә дә.

Шөкер, Буа районы карантинлы үсемлекләрдән азат әлегә. Шул ук вакытта республика территориясендә амброзия, көнбатыш (калифорния) чәчәк бете, повилики, алтынсу бәрәңге нематозасы, зур кара чыршы усачы һәм кара нарат усачы буенча карантинлы фитосанитар зоналар һәм карантинлы объектлар чыганаклары бар. Әмма яңа карантинлы чүп үләннәре, корткычлар, авырулар килеп чыкмавына, таралмавына бернинди гарантия юк. Ел саен карантинлы объектларның яңа чыганаклары ачыклана тора.

Үсемлекләр карантины өлкәсендә хокук бозуларга юл куелмас өчен җир хуҗалары, аннан файдаланучылар даими фитосанитар тикшерүләр үткәрүгә җаваплы зат  билгеләү турында боерык чыгарырга, тикшерү үткәрү  планын төзергә һәм тикшерү нәтиҗәләре буенча туры килүче документлар тутырырга бурычлылар. Аларда тикшерелгән объектлар, үткәрү сроклары, тикшерү алымнары, карантинлы объектларның булу-булмавы күрсәтелергә тиеш. Андыйларга тап булганда бу хакта кичекмәстән  8(843)277-69-26 телефон номеры буенча “Россельхознадзор”ның ТР буенча идарәсенә хәбәр итәргә кирәк. Безнең республика территориясендә таралган карантинлы объектлар бик күп төрле һәм барысын да  күз белән карап кына ачыклап  булмый. Шуңа да тикшерүләр  карантин асты материалы пробаларын алуны, карантин асты объектлары үрнәкләрен җыюны һәм пробаларны аккредитацияләгән лабораториядә фитосанитар экспертиза үткәрү юлы белән тикшерүне үз эченә аларга тиеш.

Үсемлекләр карантины өлкәсендә хилафлыкларга юл куючы физик һәм юридик затлар РФ Административ хокук бозулар кодексының 101 маддәсе буенча административ  җаваплылыкка тартылачаклар.