Өлкәннәр белән эшләүдә галотерапия
«Демография» илкүләм проектының «Өлкән буын» федераль проекты кысаларында Буа районында «Гармония» халыкка социаль хезмәт күрсәтү комплекслы үзәгендә «Галотерапия» социаль технологиясе буенча эш дәвам итә. Социаль хезмәт күрсәтү бүлегенең социаль эш бүлекчәсе белгече «Скала» тоз лампасын кулланып, социаль хезмәт күрсәтүләрне алучыларның өендә савыктыру дәресләре үткәрә. Хезмәткәр тәрбияләнүчеләргә тоз лампасының гамәлдә булу принцибын, файдалы үзлекләрен, куллануга күрсәтмәләрне һәм куллану кагыйдәләрен аңлата.
Тоз лампасы бронхиаль астма, бронхит, ринит, фарингит, ОРВИ профилактикасына уңай тәэсир итә. Тозларның таш кристалы һаваны чистарта, үзенә вак тузанны тарта. Ә тагын тозлы лампа искиткеч яктырткыч. Аның яктылыгы тынычландыра һәм тупланган стрессны бетерә. Социаль хезмәтләр алучылар тозлы лампадан рәхәтләнеп файдаланалар һәм рәхмәт сүзләрен белдерәләр.