Татарстанда -41 градуска кадәр салкын көтелә

2023 елның 9 гыйнвары, дүшәмбе

Төнлә һәм иртән 9 һәм 10 гыйнварда Татарстанда температура -41 градуска кадәр җитәргә мөмкин.

Гидрометүзәк мәгълүматлары буенча көндез һаваның максималь температурасы -25-30 градус тәшкил итәчәк.

 Исегезгә төшерәбез, аномаль салкын һава торышы Татарстанда 6 гыйнвардан 11 гыйнварга кадәр шторм кисәтүенә сәбәп булды. Күрсәтелгән чорда һаваның уртача тәүлеклек температурасы сезонлы нормадан 9-18 градуска түбәнрәк төшәргә мөмкин.

Гадәттән тыш хәлләр министрлыгында искә төшерәләр:  туңу һәм өшү булмасын өчен ерак сәфәрләрдән тоткарланыгыз. Җылы киенегез.

Салкын һава торышында авто механизмнарында җитешсезлекләр кискен арта. Юлда барганда тизлекне арттырмагыз, кинәт тормозлаудан сакланыгыз, тизлекне салмак кына киметегез.