1 мартка кадәр салым органнары салым түләүчеләр белән Бердәм салым системасы буенча индивидуаль тикшерүләр үткәрәчәк
Салым түләүчеләр Бердәм салым системасы сальдо чагылышының корректлылыгы белән килешмәгәндә, тискәре сальдо буенча түләтү кулланылмаячак. 1 мартка кадәр салым органнары мондый затлар белән индивидуаль тикшерүләр үткәрәчәк. Моның өчен аларга сальдо белән килешмәү мәсьәләсе буенча үзләренең инспекцияләренә мөрәҗәгать итәргә кирәк.
Чара 2023 елга кадәр хисап чорлары өчен үзенең салым йөкләмәләрен түләгәндә хаталар җибәргән затларга кагыла. Бу салым органнары һәм салым түләүчеләр арасында яңа коммуникация системасын гамәлгә кертү, түләүләрнең яңа кагыйдәләрен һәм исәпләүләрнең бердәм сальдосын формалаштыру белән бәйле конфликтларны булдырмый калырга мөмкинлек бирәчәк.
Моннан тыш, 2023 елның 1 маена кадәр һәм 2023 елның декларация кампаниясе тәмамланганчы аерым салым һәм җыемнар төрләре буенча салым суммалары, салымнар, җыемнар, иминият кертемнәре турында белдерүләрне тапшырмаган өчен салым җаваплылыгына җәлеп итү туктатылган.