Февральдән социаль түләүләр 11,9%ка арта

1 февральдән Россия Социаль фондының Татарстан Республикасы буенча бүлеге тарафыннан 2023 елда фонд күрсәтә торган барлык социаль түләүләр һәм ярдәм чаралары 11,9 %ка индексацияләнде.

Бу аның составына керә торган айлык акчалата түләү (ЕДВ), социаль хезмәтләр җыелмасы (НСУ), ана капиталы, производствода бәхетсезлек очракларыннан һәм һөнәри авырулардан мәҗбүри социаль иминләштерү буенча түләү, бала туганда бер тапкыр бирелә торган пособие, йөклелек һәм бала табу буенча бер тапкыр бирелә торган пособие һәм башкалар.

          «Социаль түләүләрне һәм ярдәм чараларын арттыру Росстат билгеләгән 2022 елда инфляция дәрәҗәсе нигезендә булачак. Шул ук вакытта индексация күләме яшәү минимумы һәм яшәү минимумы күләменә бәйле булмаган социаль түләүләргә карата гына башкарыла», - дип ачыклык кертте Россия Социаль фондының Татарстан Республикасы буенча бүлеге идарәчесе Эдуард Вафин.

Айлык акчалата түләү (ЕДВ) - Татарстанның 300 меңнән артык федераль ташламалы кешесенә, шул исәптән инвалидларга, сугыш хәрәкәтләре ветераннарына, радиация йогынтысына дучар булган гражданнарга, Советлар Союзы һәм Россия геройларына, Социалистик Хезмәт Геройларына һәм башка гражданнарга түләнә торган иң массакүләм социаль түләү.

ЕДВ белән бер үк вакытта 11,9% ка социаль хезмәтләр җыелмасы да индексацияләнә. Исегезгә төшерәбез: федераль ташламачылар социаль хезмәтләрне натураль формада яисә акчалата эквивалентта алырга мөмкин, аның күләме индексациядән соң 1 470 сум тәшкил итәчәк.

Индексациядән соң ана капиталы суммасы 586 946 сум (беренче бала тугач), икенче бала туганда 188 682 сум тәшкил итәчәк. 775 628 - ул инде ана капиталының тулы суммасы. Исегезгә төшерәбез, ана капиталының тотылмый калган чаралары да индексацияләнә. Бала тугач та бер тапкыр бирелә торган пособиенең индексацияләнгән күләме 22 909 сум тәшкил итәчәк, ә йөклелек һәм бала табу буенча - 859 сум;  җитештерүдә бәхетсезлек очрагында бер тапкыр түләнә торган түләү - 131 700 сум, күмү өчен пособие - 7 800 сум.