Буа районы сугышчысы «Батырлык өчен» медале алды
«Татарин» кушаматлы сугышчы ТР Буа районының Аксу авылында туып үскән. 9 сыйныфка кадәр «ТР Буа районының Аксу урта мәктәбе»ндә укыган. Мәктәпне тәмамлаганнан соң Казан автотранспорт техникумына укырга кергән.
2021 елда армия хезмәтенә бара. Тверь шәһәренә реактив артиллериягә эләгә. 2022 елның маенда контракт төзеде. Т-80БВМ танкы механик-йөртүчесенә укый. Шуннан соң ярты елга Харьков өлкәсе Изюм шәһәренә командировкага җибәрелгән.
Яшь булуына карамастан, ул югары бүләк белән бүләкләнгән.
«Батырлык өчен» медален мин хәрби операция зонасында бурычымны үтәгәндә. үземнең һәм сугышчан иптәшләремнең тормышын саклап кала алганым өчен алдым. Без дошман чолганышына эләктек, ләкин дошман танкын бәрә алдык. Кызганычка каршы, экипажның кайбер әгъзаларын югалттык. Һәм миңа Камаз 53501 руле артына утырырга һәм снарядлар ташырга туры килде,» - дип уртаклашты сугышчы.
«Батырлык өчен» медале - яшәү куркынычы белән бәйле шартларда дәүләт иминлеген тәэмин итү буенча махсус йөкләмәләр үтәгәндә һәм сугышларда күрсәтелгән батырлык һәм кыюлык өчен бирелә торган Россия Федерациясенең дәүләт бүләге.
Хәзерге вакытта ул үзенең хәрби частендә хезмәт итә.