Буа сугышчысы балаларның махсус хәрби операция зонасына нинди талисманнар җибәрүен күрсәтте
Махсус хәрби операция уздыру зонасыннан җибәрелгән хатлар һәм рәсемнәр өчен рәхмәт йөзеннән видеоны Буадан Николай исемле мобилизацияләнүче егет яздырган. Анда ул яңа гына алынган әйберләр һәм азык-төлек белән гуманитар ярдәм партиясенә традиция буенча күп санлы хатлар һәм рәсемнәр салынганлыгы турында сөйли.
«Бу видеоны мин Буа һәм район балаларына багышларга телим. Хатлар язучыларга, рәсемнәр җибәрүчеләргә рәхмәт. Бу бик күңелле, алар һәр партия белән киләләр, һәм без барысын да укыйбыз һәм саклыйбыз», - дип уртаклаша хәрби хезмәткәр.
Шулай ук сугышчы видеофрагментта «иң истә калган 3 хат»ны тәкъдим итә. Алар арасында 5нче номерлы гимназиянең 3а сыйныфыннан хат һәм берьюлы 7А сыйныф укучы кызларыннан ике хәбәр бар.
«Ял вакытында без аралаштык, аралашуны гел дәвам итәбез. Кызлар тырышалар, талисман итеп мини-йөрәк куйганнар», -дип бүлешә сугышчы.
Ялдан кайтканнан бирле, хәрби хезмәткәр мәктәп укучысы ясаган әбине үзе белән йөртә. «Талисман һәрвакыт минем белән, һәрвакыт янәшәдә. Ярдәм иткәнегез өчен рәхмәт. Бу бик шәп! Шул ук рухта дәвам итегез, ә без көрәшәчәкбез», - дип тәмамлый видеоблогны хәрби хезмәткәр.
Кадрлар Буа районы башлыгы Ранис Камартдиновның телеграм-каналында чыкты.
«Якташыбыз Николайның кечкенә видеоблогы, анда ул балаларның иң истә калган 3 хәбәрен күрсәтә. Сугышчының сүзләренә кушылам! Ярдәм итүчеләргә, хатлар, рәсемнәр һәм саклык чаралары җибәрүчеләргә, гуманитар йөкләрне җыюда һәм комплектлауда катнашучыларга, боларның барысын да махсус хәрби зонага җиткерүчеләргә рәхмәт», - дип билгеләп үтте Ранис Камартдинов.
Исегезгә төшерәбез, элегрәк Буа сугышчылары Буа яшелчәләреннән төшке ашны ничек әзерләгәннәрен күрсәттеләр һәм ярдәмнәре өчен якташларына рәхмәтләрен җиткерделәр.