95 яшьлек юбилее белән котлауларны тыл хезмәтчәне Тауфик Рәхмәтуллин кабул итә

2023 елның 25 сентябре, дүшәмбе

Тауфик абый Буа районының  Каенлык авылында туган. Гомере буе туган җирендә колхозда эшли. Терлекче булып  хезмәт куя.

Хатыны белән бергә  4 бала тәрбиялиләр. 2007 елда тол кала һәм хәзер ялгыз яши. Әмма моңа да карамастан тавыклар тота, бакча белән шөгыльләнә.

- Ул һәрвакыт эштә. Бакчада яшелчәләр үстерә, Балаларны һәрвакыт шатланып каршы ала, озатып йөри. Аның  шундый ук энергияле, сәламәт булып калуын телибез, - дип сөйләде  Зур Фролово авыл җирлеге башлыгы  Ольга Масленцева.

Тәүфыйк Рәхмәтуллинны юбилее белән котлыйбыз,  сәламәтлектә туганнары һәм якыннарының яратуын, игътибарын тоеп яшәвен телибез.