Чәчтарашханә хезмәтләре күрсәткәндә кулланучылар хокукларын яклау
Чәчтарашханә хезмәтләре һәрвакыт матурлык индустриясендә, хатын-кызларда да, ир-атларда да кирәкле булган.
Россия Федерациясе Хөкүмәтенең 2020 елның 21 сентябрендәге 1514 номерлы карары белән расланган халыкка көнкүреш хезмәт күрсәтү кагыйдәләренә ярашлы рәвештә, башкаручы кулланучыга үз оешмасының фирма исемен, аның урнашкан урынын һәм эш режимын җиткерергә тиеш. Бу мәгълүмат элмә тактада урнаштырыла.
Кулланучы почмагында, мәгълүмат стендында яки килүче өчен теләсә кайсы урында түбәндәге мәгълүмат булырга тиеш:
- дәүләт теркәве;
- күрсәтелә торган хезмәтләр, аларны күрсәтү формалары һәм шартлары исемлеге;
- ташламалар алу хокукына ия булган кулланучылар категорияләре исемлеге, шулай ук хезмәтләр күрсәткәндә күрсәтелә торган ташламалар исемлеге.
Башкаручының кулланучыга аның таләпләре буенча бирелә торган бәяләмәләр һәм тәкъдимнәр китабы булырга тиеш.
Көнкүреш хезмәтләрен күрсәтүнең гомуми кагыйдәләре нигезендә хезмәт күрсәтү турында килешү язма рәвештә (квитанция, башка документ) рәсмиләштерелә һәм түбәндәге мәгълүматларны үз эченә алырга тиеш::
• чәчтарашханәнең фирма исеме һәм адресы;
• хезмәт төре;
• хезмәт бәясе;
• хезмәт күрсәтүнең үзенчәлекләре белән бәйле башка кирәкле мәгълүмат.
Кагыйдәләрнең 19 нчы пункты нигезендә, һәр яңа кулланучы белән эшләү алдыннан чәчтараш, хезмәт күрсәтүче кеше сабын яки сабын буларак кулланыла торган чара белән кулларын юарга тиеш.
Химик көдрәләү һәм чәч буяу вакытында хезмәт күрсәтүче кеше кулланучыга кулланыла торган парфюмер-косметик продукциягә этикеткада яки инструкциядә күрсәтелгән куллану шартларына һәм кисәтүләргә ярашлы рәвештә сизгерлеккә биологик проба ясарга тиеш.
Әгәр чәчтараш хезмәте сыйфатсыз башкарылган һәм күрсәтелгән хезмәттә кимчелекләр ачыкланган икән кулланучы Законның 29 статьясы нигезендә түбәндәгеләрне таләп итәргә хокуклы:
-кимчелекләрне түләүсез бетерү;
- бәянең тиешле кимүе;
-үз көче белән яки өченче зат тарафыннан кимчелекләрне бетерү буенча чыгымнарны каплау.
Мөһим! Кагыйдә буларак, чәчтараш хезмәтләренә гарантия срогы билгеләнмәгән. Башкаручы гарантия срогы билгеләнмәгән хезмәтнең җитешсезлекләре өчен җаваплы, әгәр кулланучы аларны кабул иткәнче яки бу вакытка кадәр килеп чыккан сәбәпләр аркасында барлыкка килгәнен исбатласа.
Башкаручы нигезле таләпләрне үз теләге белән канәгатьләндерүдән баш тартса, кулланучы үз хокукларын яклау өчен турыдан-туры судка мөрәҗәгать итәргә хокуклы.