«Безнекеләрне бел»: Стратегик инициативалар агентлыгы һәм Росконгресс фонды Россия брендларының икенче конкурсын башлап җибәрде
Стратегик инициативалар агентлыгы (АСИ) һәм Росконгресс фонды Россиянең барлык төбәкләрендә перспективалы Россия брендларын үстерүгә ярдәм итү максатыннан «Безнекеләрне бел» яңа Россия брендлары конкурсы башлануы турында игълан итте. Гаризалар 23 ноябрьдән 15 гыйнварга кадәр кабул ителә.
Икенче сезонда гаризалар биш юнәлеш буенча кабул ителә: «Азык-төлек һәм туклану», «Куллану товарлары», «Креатив», «ИТ», «Югары технологияләр».
Җиңүче компанияләр маркетплейсларда һәм медиада пропагандалауда ярдәм алачак, укыту программаларына керү, бизнес-экспертлар белән шәхси очрашулар, бизнес-берләшмәләрдә әгъзалык, эре чараларда бушлай катнашу, шулай ук грант ярдәме алачак. Җиңүчеләрне сайлаганда ел әйләнеше үсеше темплары, проект партнерларының һәм компания теркәлгән төбәкләрнең бәясе, конкурс жюрисының фикере, компаниянең социаль проектларда, конкурс партнерларының проектларында һәм программаларында катнашуы исәпкә алыначак. Конкурс партнерлары арасында Беренче канал, медиа холдинг МАЙЕР, симпл, Zenden, Заспорт һәм башкалар. Быелгы оештыручылар шулай ук брендларга иң яхшы ярдәм итүче төбәкләрне билгеләп үтәчәк.
Конкурсның беренче сезонында илнең барлык төбәкләреннән 5 меңгә якын бренд катнашты. Гаризалар саны буенча беренче урынны Башкортстан (1,4 меңнән артык), икенче урынны Мәскәү (330дан артык), өченче урынны Самар өлкәсе (230дан артык) алды. Унлыкка шулай ук Санкт-Петербург, Татарстан, Липецк өлкәсе, Түбән Новгород өлкәсе, Сарытау өлкәсе, Краснодар крае, Мәскәү өлкәсе керде.