Буа яшүсмерләрен «Җылылык бүләк итәм» акциясенә кушылырга чакыралар
Буа районы балалары һәм яшүсмерләре 12-14 декабрьдә узачак «Җылылык бүләк итәм» социаль урам акциясенә кушыла ала. Аны Яңа ел бәйрәменә багышлыйлар.
Бу чорда олылар балалар белән узган ел турында сөйләшә алалар, аңа рәхмәт әйтәләр, Яңа Ел казанышлары, мөмкинлекләре һәм уңышлары турында хыялланалар. Формаль булмаган әңгәмәдә балаларга яшүсмерләр үзәкләрендә, мәдәният, мәгариф, спорт, ял итү өлкәсендәге оешмаларда яңа ел алды чараларына кушылырга яки волонтер булырга тәкъдим итәләр.
Оештыручылар булып РФ Президенты каршындагы Бала хокуклары буенча вәкаләтле вәкил һәм яшүсмерләрне социализацияләү программаларын үстерү федераль үзәге тора. Акция яшүсмерләргә буш вакытларын шәһәрдә үткәрүнең уңайлы, үстерүче, куркынычсыз һәм бушлай ысуллары турында мәгълүмат бирүгә юнәлдерелгән.