Татарстанда күчемсез милекнең икенчел базарында килешүләр саны артты
2023 елның 11 ае нәтиҗәләре буенча Татарстан Росреестры тарафыннан сату-алу шартнамәләре (ДКП) нигезендә 219 меңгә якын хокуклар теркәлгән, бу, 2022 елның шул ук чоры белән чагыштырганда, 22,5 процентка күбрәк.
«Шунысы игътибарга лаек, быел күчемсез милекнең икенчел базарында теркәлгән килешүләр саны буенча пик көзгә туры килде, ә нәкъ менә сентябрь, сатуның 26 мең килешүе теркәлгән вакытта. Үз чиратында, килешүләрнең минималь саны гыйнварда теркәлгән - 11,5 мең ДКП. 2022 елда килешүләрнең максималь саны мартта - 21 мең, минималь - (12 мең ДКП) булды.»,- дип ачыклык кертте Татарстан Росреестры җитәкчесе урынбасары Лилия Борһанова.
Күчемсез милек төрләре буенча, 2022 ел белән чагыштырганда фатирларга сату-алу килешүләрен теркәү саны 35,5% ка арткан (65,5 меңнән 89 меңгә кадәр). Торак булмаган биналарга - 20% ка (7,8 меңнән 9,3 меңгә кадәр). Җир участоклары ешрак 15,4% ка (90 мең һәм 104 мең), индивидуаль торак йортлар 10% ка (15,4 мең һәм 17 мең) сатып ала башлаган.