Күчемсез милекнең бердәм дәүләт реестрына Татарстан һәм Киров өлкәсе арасындагы чик кертелде
Бу күрше төбәкләр белән Татарстанның 8 чиктәш чигенең соңгысы.
Күчемсез милекнең бердәм дәүләт реестрына Татарстан Республикасы белән Киров өлкәсе арасындагы чикнең үтүе турында мәгълүмат кертелгән. Субъектлар арасындагы чикнең гомуми озынлыгы 228 километр тәшкил итә.
Киров өлкәсе белән чикләрне билгеләү буенча эшләр 2019 елда башланган. Төбәкләр арасында чикне билгеләү турында килешү 2023 елның 2 июлендә имзаланган.
2023 елның декабрендә җир төзелеше эше Росреестрның дәүләт экспертизасының уңай нәтиҗәсен алды, һәм материаллар «Роскадастр»ның Татарстан Республикасы буенча филиалына җир төзелеше үткәрү нәтиҗәсендә алынган мәгълүматларны дәүләт фондына кертү өчен тапшырылды, шулай ук «Роскадастр»га Киров өлкәсе белән Татарстан Республикасы арасындагы чик турында мәгълүматны Күчемсез милекнең бердәм дәүләт реестрына кертү өчен җибәрелде. Нәтиҗәдә, төбәкләр арасындагы чик үзенең тарихи конфигурациясен үзгәртми. Килешү нәтиҗәләре буенча төрле документларда булган чикләрне картографик күрсәтүдә аерма мәсьәләләре хәл ителә.
Исегезгә төшерәбез, Татарстан территориянең төньяк өлешендә Киров өлкәсе белән чиктәш. Чиктә Татарстан Республикасының Балтач һәм Кукмара районнары урнашкан.
Шулай итеп, бүгенге көндә Татарстан Республикасының Россия Федерациясенең барлык күрше субъектлары белән чикләре тулысынча билгеләнгән һәм Күчемсез милекнең бердәм дәүләт реестрына кертелгән.