Татарстан республика территориясендә партнерлык (ислам) финансларын үстерү проектын гамәлгә ашыруга актив кушылды
Агымдагы елның 1 сентябреннән Дагыстанда, Чечняда, Башкортстанда һәм Татарстанда ислам банкингын кертү буенча ике еллык эксперимент башланды. РФ хакимиятенең тиешле законын 2023елның җәендә кабул иттеләр.
Миңнеханов сүзләренчә, федераль закон кабул итү халыкның һәм бизнесның ислам финансларына кызыксынуын стимуллаштырган. Базар катнашучылары мәгълүматы буенча, 2023 елда килешүләр саны инде ике тапкырга арткан.
"Партнерлык финансларының үсүе - дөньяда иң тиз үсә торган финансларның берсе. Әлбәттә, бу инструментларга безнең илдә ихтыяҗ бар һәм өстәмә инвестиция ресурсларын җәлеп итәргә мөмкинлек бирәчәк... Партнерлык финансларын үстерү - Ислам илләре белән хезмәттәшлек итү өчен мөһим корал. Бу халыкара мөнәсәбәтләрне үстерүнең Россия Федерациясе Президентының махсус контролендә стратегик юнәлеше", - дип билгеләде ул.
Татарстан вице-премьеры икътисад министры Мидхәт Шаһиәхмәтов хәбәр иткәнчә, хәзерге вакытта кайбер кредит оешмалары һәм финанс компанияләре партнерлык финанслары өлкәсендә хезмәт күрсәтә: кулланучылар һәм бизнес-финанслау, кичектереп түләү шартларында торак финанславы, шәригать таләпләре нигезендә лизинг, инвестиция килешүләре һәм пай фондлары аша акча салу. "Ак Барс банк" һәм Сбер партнерлык финанслары принципларына туры килә торган дебет картасын тәкъдим итә.
Министр эксперимент чорында Татарстанда партнерлык финансларын үстерү чаралары планын тәкъдим итте. Юл картасы, аерым алганда, партнерлык финанслары өлкәсендә халыкның һәм бизнесның мәгълүматлылыгын һәм финанс белемен арттыруны, белгечләр әзерләүне, тәкъдимнәр кертүне (шул исәптән норматив җайга салу буенча), базар һәм финанс инфраструктурасын үстерүне, партнерлык финанслары принципларында проектларга инвестицияләр җәлеп итүне, халыкара хезмәттәшлекне киңәйтүне үз эченә ала.