Россия Эчке эшләр министрлыгының Буа районы буенча бүлеге 2023 ел йомгаклары буенча мактаулы 1 урынны алды
Бүген эчке эшләр бүлегенең 2023 елда Буа районы буенча эшчәнлегенә йомгак ясалды һәм агымдагы елда хокук саклаучылар алдында торган бурычларны билгеләделәр.
Татарстан Республикасы эчке эшләр органнарының оператив-хезмәт эшчәнлеге нәтиҗәлелеген гомуми бәяләү йомгаклары буенча Буа бүлеге иң яхшы бүлек булды.
Бүлек җитәкчесе Ренат Хәсәнов нәтиҗәләр буенча чыгыш ясады.
Хокук саклау структуралары, хакимият органнары, һәм барыннан да элек, эчке эшләр органнары үзара хезмәттәшлеге 2023 елда күп кенә оператив-хезмәт эшчәнлеге юнәлешләре буенча уңай нәтиҗәләр тәэмин итәргә мөмкинлек бирде.
Уртак максатчан эш нәтиҗәсендә, чыннан да, җәмәгать урыннарында гражданнарның иминлеге яхшырды, юл-транспорт һәлакәтләре нәтиҗәсендә Буа муниципаль районы территориясендә үлүчеләр санын киметүнең максатчан юнәлешләренә ирешелде.
Шулай ук наркотикларның законсыз әйләнеше белән бәйле җинаятьләр күрсәткече 4 тапкырга кимегән.
Әмма элеккечә үк дистанцион юл белән кылынган мошенниклык һәм урлаулар күрсәткече югары булып кала бирә. Буа районында яшәүче 131 кеше алдакчылар хәйләсенә эләккән һәм 23 млн. сум тирәсе югалткан. Әлеге төр җинаятьләрне булдырмауга игътибарны көчәйтергә кирәк, дип билгеләп үтте үз чыгышында район башкарма комитеты җитәкчесе Ленар Шакирҗанов.
- Яңа закон нигезендә, банклар мошенниклар урлаган акчаларны кире кайтарырга тиеш, әгәр бу гражданнарның үзләре гаебе булмаса, - дип билгеләде район прокуроры Тимур Фатыйхов. Бу очракта халык кырыгалдарларның аларның счетларыннан һәм карталарыннан акча алу турындагы хәбәрләренә җавап бирергә кирәкми икәнен белергә тиеш. Банк бу акчаларны кайтарыр, ләкин әгәр дә сез үзегез паникада мошенникларга әлеге карталарның, парольләрнең һәм смс кодларының мәгълүматларын хәбәр итмәсәгез.
Традицион йомгаклау җыелышы аерылып торган хезмәткәрләрне бүләкләү һәм ведомство бүләкләрен тапшыру белән тәмамланды.