Буа районында гражданнар җыеннары дәвам итә
Дәүләт башлыгы В.В. Путин әйтмешли: «Кеше кайда гына яшәсә дә, ул лаеклы яшәргә тели. Куркынычсыз һәм яхшы юллар, яктыртылган урамнар һәм яхшы җыелган ишегаллары, төзекләндерелгән, уңайлы спорт һәм балалар мәйданчыклары белән. Болар барысы да гражданнарыбызның тормыш сыйфатын билгели, балаларыбызның киләчәгенә тәэсир итә».
– Шуңа күрә район халкы белән очрашулар, аларның мәсьәләләрен хәл итү-безнең эшнең мөһим өлеше, - дип билгеләп үтте Буа районы башлыгы Ранис Камартдинов үзенең социаль челтәрләрендә һәм район халкын анда актив катнашырга чакырды.
"Район халкына катнашулары һәм киләчәк эш өчен нигез булачак мәсьәләләре өчен рәхмәт. Сезнең барлык үтенечләрегезне, теләкләрегезне уртак җыелмага туплыйбыз һәм барлык көчләребезне аларны хәл итүгә юнәлтәбез", - дип билгеләп үтте Ранис Камартдинов.
Түбән Наратбаш һәм Шәмәк авыл җирлекләрендәге җыеннарда ТР Дәүләт Советы депутатлары Ринат Гайзатуллин һәм Шакир Яһудин да катнашты. Бүген Яңа Тинчәле һәм Норлат авыл җирлекләрендә җыеннар уза.