Буалылар алгы сызыктагы сугышчыларга окоп шәмнәре әзерләделәр
Патриотик акция кысаларында Чуаш Аксуы авылында яшәүче Югары Лашчы мәктәбе укучылары ата-аналар белән берлектә, авыл клубы мөдире Надежда Жирнова җитәкчелегендә алгы сызыктагы сугышчылар өчен окоп шәмнәре әзерләделәр.
"Окоп шәмнәре безнең сугышчыларыбыз өчен бик кирәк. Шәм янында җылынырга, аяк киемнәрен киптерергә, азык җылытырга була. Бу бик җентекле эш, күп вакытны сорый. Балалар бу шәмнәрнең ни өчен кирәк булуын, сугышчыларга нинди ярдәм китерәчәген аңлыйлар, шуңа күрә барысы да чын күңелдән эшлиләр. Бу ниндидер мавыгу гына түгел, ә Ватанга ярдәм. Алар ясаган һәр шәм фронттагы солдатларга ярдәм итәчәк. Балалар кулы белән ясалган шәмнәр һәр солдатның күңелен җылытыр! Без окоп шәмнәре ясауда катнашкан барлык битараф булмаган укучыларга, ата-аналарга, әбиләргә һәм бабайларга рәхмәт белдерәбез", - дип яза оештыручылар.