Сак булыгыз- бина түбәләреннән кар һәм боз сөңгеләре төшү куркынычы бар
Күп кар яву һәм җылыту биналарның түбәләрендә боз сөңгеләре барлыкка китерергә һәм карны шудырып төшерергә мөмкин. Түбәдә җыелган кар массасының төшүе бик куркыныч!
Бәхетсезлек очракларын булдырмас өчен берничә кагыйдәне үтәргә кирәк:
Биналардан чыкканда кар массалары, түбәләрдә боз туплануына игътибар итегез, алар булган урыннарын урап узыгыз. Балаларның иминлегенә аерым игътибар бирергә кирәк!
Әгәр дә сез тротуарда йөргәндә өстә шикле тавыш ишетсәгез-туктап, башыгызны күтәреп, анда нәрсә булганын карамагыз. Бу кар яки боз кисәге булырга мөмкин. Диварга мөмкин кадәр якынрак басырга, түбә капкачы ышык урын булып хезмәт итәчәк.
Бина түбәләрендә кар яки боз сөңгеләре булса, автомобильләрне биналар һәм корылмалар янында калдырырга ярамый.
Тротуарның коймаланган өлешләренә һәрвакыт игътибар итегез һәм куркыныч зоналарга кермәгез.
Өегезнең түбәсендә эленеп торган боз сөңгеләре булганда, идарәче компаниягә мөрәҗәгать итәргә кирәк. Коммуналь хезмәтләр хезмәткәрләре сезнең хәбәргә җавап бирергә тиеш.
Кар төшәргә мөмкин булган түбәле йортларга якын килмәгез һәм балаларга андый урыннарда булырга рөхсәт итмәгез.
Урамда колакчыннарда йөрмәгез, түбәдән төшкән кар тавышын ишетмәскә мөмкин.
Кар һәм боз түбә кырыеннан төшкәннән соң, кар һәм боз түбә уртасыннан да төшәргә мөмкин, шуңа күрә тротуарда элек төшкән кар эзләре калкулыклары күренсә, бу урынның куркынычлыгын күрсәтә.
Әгәр түбәдән төшкән кар аркасында кеше зыян күргән икән, шунда ук ашыгыч ярдәм чакырырга кирәк.