«Сетевая компания»-«Буа электр челтәрләре» АҖ филиалы аучыларны энергия объектлары янында куркынычсызлык чараларын төгәл үтәргә чакыра
«Буа электр челтәрләре» АҖ филиалы электр челтәре хуҗалыгының изоляторларына, мәгълүмат такталарына һәм башка элементларына ату тыела, чөнки очраклы яки махсус ату мәктәпләрне, балалар бакчаларын, хастаханәләрне, торак йортларны, котельняларны һәм сәнәгать предприятиеләрен һәм бөтен торак пунктларны электрдан мәхрүм итәргә мөмкин. Шулай ук изоляцияне бозу, чыбыкның өзелүе электр линиясен өзүгә яки «укчы»ның үлеменә китерергә мөмкин.
«Сетевая компания»-«Буа электр челтәрләре» АҖ филиалы электр челтәре хуҗалыгы объектлары элементлары зарарланганда гаепле затлар җинаять җаваплылыгына тартыла һәм китерелгән мөлкәт зыянын каплый. РФ ҖК 215.2 маддәсе (тормышны тәэмин итү объектларын яраксызга китерү) җәза буларак өч елга кадәр ирегеннән мәхрүм итүне, ә әгәр җинаятьне бер төркем кеше кылган булса, биш елга кадәр төрмә җәзасын күздә тота. Суд практикасыннан чыгып, барлык зыянны хокук бозучыга үзенә капларга туры киләчәк.
Әгәр дә сез саклау зоналары кагыйдәләрен бозуны күрсәгез, «Сетевая компания» АҖ кайнар линиясе телефонына 8-800-2000-878 яки ашыгыч хезмәт телефонына 112 шалтыратыгыз