Маркетплейсларга түләүле сатып алуларны гамәлдән чыгаруны тыйдылар
РФ Югары суды интернет - кибетләр эшендә барлыкка килгән хокукый хәлне бик игътибар белән күзәтә башлады. Аларның саны сату күләме һәм сатып алучылар саны арту белән параллель рәвештә арта бара.
РФ Югары суды сатып алучының интернет - кибет белән алдан түләнгән заказны гамәлдән чыгару турындагы бәхәсен карады. Һәм билгеләмә чыгарды (РФ Югары судының 4-КГ23-90-К1номерлы билгеләмәсе), онлайн - майданчыкларның берьяклы рәвештә акча алынган заказны гамәлдән чыгарырга хокукы юк. Ә сатып алучы зыян өчен компенсация таләп итәргә хокуклы.
Шул ук вакытта Югары суд инстанциясе онлайн - сатучыларның дистанцион сату турында җәмәгать килешүенә кагыйдәләрне кертергә хокукы юк, алар нинди дә булса санкцияләрдән тулысынча азат ителә, дип билгеләп үтте. Мондый шартлар кулланучылар хокукларын боза һәм шуңа күрә әһәмиятсез.
Югары суд билгеләп үткәнчә, товарның бәясен күрсәтүдә техник хатаның булуы яки булмавы хокукый әһәмияткә ия түгел, ә офертта сатучы тәкъдим иткән заказны гамәлдән чыгару шарты "алдан билгеләнгән көчкә ия түгел".