Татарстанда мобилизацияләнгән гаиләләр Социаль фонд ярдәмен ала
Татарстан Республикасы буенча Россия Социаль фонды бүлекчәсе хезмәткәрләре махсус хәрби операциядә катнашучыларга түләүләрне рәсмиләштерүдә ярдәм күрсәтәләр
Махсус хәрби операциядә катнашучылар, шулай ук аларның гаиләләре Россия Социаль фонды линиясе буенча берничә түләүгә хокуклы. Социаль ярдәм чараларын рәсмиләштергәндә аларга кирәкле ярдәм күрсәтелә.
2023 елда Татарстанның социаль фонды һәм «Ватанны саклаучылар» фондының төбәк бүлеге арасында үзара хезмәттәшлек турында килешү имзаланды. «Хезмәттәшлек кысаларында төбәк бүлеге белгечләре гражданнарга тиешле түләүләр һәм ташламалар турында консультацияләр бирәләр, сугыш хәрәкәтләре ветераннарының таныклыкларын рәсмиләштерергә ярдәм итәләр. Мондый уртак эш форматы мобилизацияләнгәннәргә, волонтерларга һәм аларның гаиләләренә дәүләт хезмәтләрен рәсмиләштерү процессын тизләтергә мөмкинлек бирә», —дип билгеләп үтте Татарстан Социаль фонды идарәчесе Эдуард Вафин.
РСФы сугышчыларның гаиләләренә аерым игътибар бирә. Алар хәрби хезмәткә чакырылу буенча, шул исәптән мобилизация буенча хезмәт итүче хәрби хезмәткәрнең баласына айлык пособие алу хокукына ия. Пособие бала туган көннән алып 3 яшькә кадәр билгеләнә, әмма баланың әтисе хәрби хезмәткә чакыру буенча хәрби хезмәтне башлаган көннән иртәрәк түгел. 2024 елда түләү күләме 16 698 сумга тигез. Әгәр гаиләдә тулылану көтелсә, вакытлы хезмәткә чакырылган хәрби хезмәткәрнең йөкле хатынына 38 963 сум күләмендә бер тапкыр бирелә торган пособие каралган. Махсус хәрби операциядә катнашучы гаиләләр дә бердәм пособиегә гариза бирә ала. Шул ук вакытта мобилизацияләнгән тормыш иптәшенең керемнәре түләүне билгеләгәндә исәпкә алынмаячак.
Исегезгә төшерәбез, мобилизация буенча хәрби хезмәткә чакыру фактын раслаучы документлар гариза бирүче тарафыннан мөстәкыйль рәвештә бирелә. Пособие 6 айга билгеләнә. Бу срок тәмамлангач, гаилә кабат гариза яза ала.
Өстәмә мәгълүматны ФР белән Бердәм контакт-үзәк телефон номеры буенча алырга мөмкин: 8 800 1-00000-1 (шалтырату бушлай).