Буадан өч гаилә дәүләт ярдәме белән торак шартларын яхшыртачак

2024 елның 4 марты, дүшәмбе

Үз торагың булу, әлбәттә, безнең тормыш сыйфатына тәэсир итә, ышаныч һәм куркынычсызлык хисе бирә. Яшь гаиләләр өчен торак сатып алуда дәүләт зур ярдәм күрсәтә. «Татарстан Республикасында яшь гаиләләрне торак белән тәэмин итү» төбәк проекты кысаларында Буадан өч яшь гаилә сертификатка ия булды. Тантаналы шартларда таныклыкларны Захаровлар, Гыймадиевлар һәм Сәгъдиевлар гаиләләренә тапшырдылар. Бу акчаларны ике гаилә Буада йорт сатып алу өчен түләүгә җибәрергә планлаштыра, икенче гаилә ипотеканың бер өлешен түләячәк.

Исегезгә төшерәбез, 2024 ел ил Президенты Владимир Путин Указы буенча Россиядә Гаилә елы дип игълан ителде.