Кунак булсаң, тыйнак бул ЗАГСка килүчеләргә махсус кагыйдәләр язылды

Район ЗАГС бүлегендә, җирле үзидарә органнарында никахлашу тантанасына килүчеләр өчен махсус үз-үзеңне тоту кагый-дәләре расланды. Бу хакта район башкарма комитеты җитәкчесенең карары чыкты.
Әлеге кагыйдә язылышучы парларга, аларның кунакларына җәмәгатьчелек тәртибен саклауны, тирә-юньдәгеләрнең сәламәтлегенә зыян китерердәй гамәлләр кылмауны йөкли. Шулай ук алардан тантанага үз вакытында килеп җи-тү, ЗАГС хезмәткәрләренең, оештыручыларның за-конлы таләпләрен берсүзсез үтәү сорала. ЗАГС бинасына килүчеләр территорияне чүпләргә, спиртлы эчемлекләр эчәргә, тәмәке тартырга, бокаллар ватарга тиеш түгелләр. Өйләнешүчеләргә бөртек, чәчәк таҗлары сибү, пиротехника, фейерверклар куллану, юлдагы хәрәкәткә комачаулау, коймаларга, баскыч култыксаларына менү, җиһазларга, яшеллеккә зы-ян салу, милләтара, социаль, дини каршылыклар тудыручы күкрәк билгеләрен, символиканы демонстрацияләү дә тыела. Моннан тыш танатана залында өске киемнәрдән йөрү, кә-рәзле телефоннан сөйлә-шү, исерек килү, язылышканда чыгып-кереп йөрү зә-выксызлык кына түгел, кагыйдә бозу булып та саналачак. Карарда хәтта җи-һазларга аяк белән басмаска, чәчәкләр, зонтлар куймаска, сагызлар калдырмаска, ә язгы-көзге пычракта алмаш аяк киеме дә алып килергә диеп детальләп язылган. Кечкенә балалар ияртеп килү дә хупланмый. Хәзер кияү бе-лән кәләшкә атап язылган белешмәлекләр ЗАГСка килүчеләрнең һәрберсенә таратыла. Карарның үтә-лүе өчен дә алар җаваплы була. Мондый тәртипкә чакыручы аерым кагыйдә кабул итәргә нәрсә мәҗбүр иткән соң? Ә яшьләр тыюларга ничек карый?
Илсөяр
МӨХӘММӘТҖАНОВА.
Гөлназ ХӘКИМОВА, район ЗАГС бүлеге начальнигы:
- Карар чарасызлыктан кабул ителде. Замана никахлашучылары бу тантаналы көнне башкаларныкына охшамаган итү өчен нәрсә-гә генә бармыйлар?! Еш кына тантананы төшерү өчен читтән видеооператорлар, фотографлар чакырталар. Алар, билгеле, N кадәр сумма түләгәч, кияү белән кәләшне ничек кенә кыландырып төшермиләр. Тантана вакытында теркәүченең алдына да, артына да чыгалар, парны урындыкка да бастыралар, тәрәзә төбенә дә утырталар – халыкның игътибарын алалар, тәмам “туй генералы”на әйләнәләр. Тантана вакыты-вакыты белән гомумән фотоссесиягә әверелеп китә. Райондагы фотографлар, видеооператорлар безнең та-ләпләр белән беркадәр таныш әле, ә менә читтән китерелгәннәр белән, әйткә-немчә, бәла. Тантана вакытында артларыннан кү-зәтеп, һаман кисәтү ясау да матур түгел бит. Никахлашу вакытында шампан шәрабы эчүне дә тыйдык. Залда аерым фуршет бүл-мәсе юк. Ә регламент сакларга кирәк. Бу очракта киләсе пар алдагысының бәйрәм итеп бетергәнен зарыгып көтәргә тиеш бу-ла. Икенче пар кергәндә җыештыручының беренчесе артыннан калган буш шешәләрне, шоколад кә-газьләрен җыеп йөрүе дә бизәми. Җәмәгать урыннарында тәмәке тарту  хәзер кагыйдә буенча да ярамый. Соңгы елларда өйлә-нешүчеләр аяк астына дөге, роза таҗлары сибү, хлопушкалар аттыру популярлашты. Матурдыр, сү-зем юк. Ә аннан калган чүп-чарны кем җыештырырга тиеш. Көнгә өч-дүрт пар язылышса да, чүпләп бетерә алмаслык чүп тавы җыела. Күгәрчен очыру гадәте буенча да берничә сүз әйтәсе килә. Пар кошларны үзе белән алып ки-лә икән, хуш. Ә теләсә кем-нән алып торган кошларда нинди генә авырулар булмас. Бусы  үз сәламәтлекләре өчен әйтелә.
Яшьләр тыюларны беренче вакытта авырсынып кабул иттеләр, хәзер ияләшеп киләләр. “Сарафанлы радио” яхшы эшли, күбесе бу хакта алдан белеп килә.
Габдрәүф ХИСМӘТУЛЛИН, мәдрәсә ректоры урынбасары:
- Кияү белән кәләшнең аяк астына дөге сибү ата-аналарыбыздан килгән йола түгел, ул бәхет тә китерми. Киресенчә, шундый юрауларга ышану һәм ризыкны күрәләтә аяк астына ташлау, таптау – зур гөнаһ.