Киләсе шимбә республикада һәм районда агач утырту мәшәкатьләре белән үтәчәк.

 Татарстанның Урман хуҗалыгы министрлыгы 5 октябрьдә традицион “Урман утырту көне” акциясе игълан итте.
- Узган ел “Буа-Алан”да, шәһәр урамнарында агач-куаклар утырттык. Авылларда да яшеллек ишәйтелде. Тик әлегә җитәрлек түгел. 5 октябрь көнне бер-дәм рәвештә тирә-юньне яшелләндерү эшенә чыгарбыз дип ышанам, - ди район башкарма комитеты җитәкчесенең беренче урынбасары Илдус Гыйз-зәтов. Елның-елында бу кирәкле эштә авыл советлары, мәктәпләр дә актив катнаша. Оешмалар арасында агач-куаклар утырту эшен иртәрәк башлап җибәрүчеләр бар да инде. “Буа МППЖКХсы (инженерлык челтәрләре)” җәм-гыяте эшчеләре “Буа-         Алан”да транспорт кую урынында, үзәк паркта агач-куакларга “ревизия” үткәрделәр, үсеп китә алмаганнары урынына яңа-ларын утырттылар. Шә-һәрдә урынлы-урынсыз салып куелган сарайлар, гаражлардан бушаган участокларны яшеллек били. “Ромашка” мәктәпкәчә яшьтәге балалар учреждениесе алдындагы сүтелгән гаражлар урыннарында сквер ясалды. Ул инде шул тирәдә яшәүчеләрнең ял урынына әверелде. Урман хуҗалыгы Бәбки авылы тау битендә утырткан 30 гектар мәйданда нарат үсентеләре дә шаулап үсеп китте. Әлеге коллектив шә-һәр урамнарын яшелләндерүдә дә башлап йөри. Әлши авыл җирлегендәге авылларда мәктәпләр, авыл советы территория-ләренә юкә, миләш агачлары утыртырга өлгер-гәннәр. Иске Суыксу авылында шимбә көнне Сабантуй уза торган мәйдан тирәсенә төрле үсентеләр утыртырга җыеналар.
- Авыл клубы, дамба, полигон тирәләренә урманнан миләш куаклары алып кайтып утыртырга исәплибез. Бу агач тирә-юньгә матурлык та өсти бит әле, - ди Татар Буасы авыл җирлеге башлыгы Рәүф Йосыпов.
Ә утырту материалы 14 гектарлы питомникта әзер-ләнә. Монда оешма-предприятиеләргә, гади яшәүчеләргә мамык очырмый торган тупыллар, барбарислар, кызыл шомырт, чыршы, нарат, балан, ми-ләш, каен агачлары тәкъ-дим ителә.
- Урамнарны матурайтучы агач-куакларның төрләрен арттырырга тырышабыз. Файдалы үзлекләрен дә исәпкә алабыз – бер гектар мәйдан биләгән агачлык җәй көне бер сәгать эчендә 200 кеше сулап чыгарган кадәр углекислый газ йота - ди питомник начальнигы Людмила Олокина.
Ничек дөрес утыртырга?
Аерым агачлар өчен 60-80 сантиметр, куаклыклар өчен 40-60 сантиметр тирәнлектә чокыр казыла. Аның диаметры 50-60 сантиметр булырга тиеш. Казыганда туфракның уңдырышлы өске катламын бер якка, астагы өлешен икенче якка өяләр. Утырту өчен әзерләгән үсентегә, тамыры суга туенсын өчен, күп итеп су сибәргә кирәк. Тамырның зәгыйфьләнгән очлыкларын секатор белән кисеп алалар. Онытмагыз, агач утыртканда аның кәүсәсе тамырга күчкән урын чокыр өстеннән 4-5 сантиметр, авыр туфракка күмгәндә 6-8 сантиметр югарырак булырга тиеш.