Татарстанда 46 мең гектардан артык җир тикшерелде
Шул исәптән пилотсыз очу аппаратларын кулланып җирне дистанцион зондлау ярдәмендә. Бу һәм башка мәгълүматлар 2024 елның 5 ае йомгаклары буенча Татарстан Росреестры коллегиясенең киңәйтелгән утырышында яңгырады.
Күрсәтелгән вакыт аралыгында Татарстан Республикасы дәүләт инспекторлары тарафыннан 4,2 меңнән артык тикшерү үткәрелгән, нәтиҗәдә 4 мең хокук бозу билгесе ачыкланган. Җир законнарының мәҗбүри таләпләрен бозуга юл куймау турында кисәтүләр 4 меңнән артык чыгарылган.иң күп җир участоклары мәйданы буенча – 9-11 мең га - Түбән Кама, Нурлат һәм Биектау районнарында тикшерелгән.
«Җир законнары өлкәсендә законлылыкны тәэмин итү Татарстан Росреестры эшчәнлегенең мөһим юнәлешләренең берсе булып кала. Контроль-күзәтчелек чараларын үткәрүгә мораторийны исәпкә алсак та, дәүләт җир күзәтчелеге туктатылмаган. Дәүләт инспекторлары эшчәнлеге, беренче чиратта, хәзерге вакытта профилактик чаралар үткәрүгә юнәлдерелгән», - дип билгеләп үтте Татарстан Росреестры җитәкчесе урынбасары Линар Гатин.
Шулай ук ведомство эшчәнлегенең принципиаль мөһим юнәлеше булып авыл хуҗалыгы билгеләнешендәге җирләрне тикшерү кала. Контроль күзәтчелек чаралары барышында авыл хуҗалыгы билгеләнешендәге җир кишәрлекләрендә агымдагы елда гомуми мәйданы 180 мең гектар булган 700 дән артык участок тикшерелде, җир законнарын бозуның 340 билгесе ачыкланды, шул исәптән гомуми таралган файдалы казылмалар чыгару буенча 15 законсыз карьер һәм 31 санкцияләнмәгән каты көнкүреш калдыклары чүплеге. 400 гектар җир авыл хуҗалыгы әйләнешенә кертелгән.
Инспекторлар өчен дә, комплекслы кадастр эшләрен башкару өчен дә пилотсыз очу аппаратларын кулланып Җирне дистанцион зондиру материаллары зур ярдәм булып тора. Хәзерге вакытта Татарстан территориясендә республиканың биш районында (Биектау, Питрәч, Балык Бистәсе, Саба һәм Чистай) 1,2 мең гектарга якын мәйданда 11 Кадастр кварталы төшерелгән.