“Кызыл әтәч”кә юл бирмик

Районда янгыннар саны артты. 9 ай эчендә ут чыгуның 38 очрагы теркәлде. Бу узган елның шушы чорына караганда 7гә күбрәк.
“Кызыл әтәч” 5 торак йортны, 15 корылманы, 2 печән эскертен һәм 1 автомобильне күмергә калдырды, тагын 10 йортка, 13 корылмага зыян китерде. Иң ая-нычы – аларда ике кешенең гомере өзелде, берсе төрле дәрәҗәдәге тән җә-рәхәтләре алды. Ут салган зыян 1,2 миллион сумнан артты. Аерым торак пунктлардан Күшке авыл җирлегенә кергән авылларда 5, Зур Фроловога кергәннәр-дә – 4, Ырыңгы авыл җирлегендәгеләрдә – 3, Буада 10 янгын теркәлде.
Саннардан аңлашылганча, ут элү очраклары нигездә торак секторга туры килә. Тугыз айда алар 34кә тиң булды. Шуны әйтәсе килә, өченче кварталда чыккан янгыннарның төп сәбәплә-ре яшәүчеләрнең үзләренең ваемсызлыгына кайтып кала. 10 очракта электр җайланмаларын монтажлау һәм эксплуатацияләү кагыйдәләре үтәл-мәгән, 11ендә ут белән саксыз эш иткәннәр, 5әр очрак җылыту мичләренең төзексезлегенә, дөрес эксплуатацияләнмәвенә, балаларның ут белән шаяруына бәйле. Өч ут төртү теркәлде.
“Кызыл әтәч”кә юл бирмәс өчен иң элек ут белән сак булырга, янгын куркынычсызлыгы кагыйдәләрен тө-гәл үтәргә кирәклеген бер минутка да онытырга ярамый. Ә янгын чыкканда исә тиз арада 01 (112) яисә 3-28-72 телефон номерларын җыеп, янгын частена хәбәр итегез һәм төгәл адресны, ут элгән объектның исемен әйтегез. Янгын сүн-дерүчеләр тизрәк килгән саен югалтулар кимрәк булачак.