Россия Эчке эшләр министрлыгының Буа районы буенча террорчылыкка каршы юнәлештәге эшчәнлеге

Агымдагы елның сентябрендә сайлауларны уздыруга әзерлек чаралары кысаларында, бүгенге көндә Россия Эчке эшләр министрлыгының Буа районы буенча бүлеге тарафыннан барлык кирәкле чаралар оештырылган. Территориаль сайлау комиссияләре белән тиешле хезмәттәшлек җайга салынды, мәгълүмат алмашу тәртибе билгеләнде.

Террорчылык һәм экстремистлык күренешләре турында алдан белешмәләр алу, шулай ук башкарма хакимият органнары белән килештерелмәгән массакүләм гавами акцияләрдә катнашырга чакырулар алу өчен массакүләм мәгълүмат чараларына, Интернет челтәренә даими мониторинг оештырылды.

Эчке эшләр бүлегенең шәхси составы хокукка каршы акцияләр уздырырга ниятләгән затлар турында алдан оператив мәгълүмат алуга юнәлдерелгән. Бүгенге көндә сайлауларны өзүгә һәм вәзгыятьне тотрыксызландыруга юнәлдерелгән янаулар турында мәгълүмат юк. Җәмәгать тәртибен саклау өчен хезмәткәрләрне Участок сайлау комиссиясенә беркетү башкарылды. Вәзгыять катлауланса, кирәкле резервлар каралган.

Тавыш бирү урыннарының террорчылыктан саклануын тәэмин итүнең аерым мәсьәләләре актуаль булып кала.

Башлангыч мәгълүматларга караганда, стационар металлодетекторлар белән бары тик 9 тавыш бирү урыны гына җиһазландырылган (шәһәр  Участок сайлау комиссиясе), шәһәрнең 6 Участок сайлау комиссиясе һәм авыл җирлекләрендәге барлык 47 Участок сайлау комиссиясе җиһазландырылмаган.

Башкарма органнарга һәм җирле үзидарә органнарына барлык тавыш бирү урыннарын стационар металлодетекторлар белән тәэмин итү мәсьәләсен карарга кирәк.

Килеп туган вәзгыять шартларында Участок сайлау комиссиясенә террорчылык актлары турында массакүләм хәбәрләр бирүне кире кага алмыйбыз.

Белешмә:

Буа муниципаль районы Территориаль сайлау комиссияләре мәгълүматы буенча штаттан тыш хәлләр килеп чыккан очракта тавыш бирү өчен шәһәрдә 5 резерв бина һәм авыл җирлекләрендә 47 резерв бина билгеләнгән.

Якынча белешмәләр буенча (резерв биналар), стационар металлодетекторлар белән бары тик 6 тавыш бирү урыны гына җиһазландырылган (шәһәр резерв Участок сайлау комиссиясе  5тән 4, авыл уиклары 47дән 2) шәһәрнең 1 резерв Участок сайлау комиссиясе һәм авыл җирлекләрендәге барлык 45 резерв Участок сайлау комиссиясе  җиһазландырылмаган.

Сайлау участокларында конфликтлы вәзгыять провокацияләре, шул исәптән системалы булмаган оппозицияләр әгъзалары тарафыннан, демонстратив, аңлы рәвештә хокук бозулар, бюллетеньнәр ташлаулар, болардан килеп чыга торган шикаятьләр һәм гаризалар күп булачак.

Шуңа бәйле рәвештә, мондый гамәлләрне дөрес квалификацияләү өчен участок сайлау комиссияләре эшен юридик тәэмин итү буенча төркем төзергә кирәк.

Хокук бозулар турындагы эшләрне оператив карау өчен тавыш бирү көннәрендә җәмәгать судьялары һәм прокурорларының кизү торуын оештырырга.

Җәмәгать тәртибен саклауда ярдәм итү өчен ТР буенча Эчке эшләр министрлыгының Үзәк аппараты хезмәткәрләре бүлеп биреләчәк.

Шуңа бәйле рәвештә хезмәткәрләрне тукландыруны урнаштыру һәм оештыру мәсьәләләрен хәл итәргә кирәк.

Россия Эчке эшләр министрлыгының Буа районы буенча башлыгы Р. Ф. Хәсәнов