Буа районы педагогларны август конференциясенә җыйды
Буа районында педагогик хезмәткәрләрнең традицион август конференциясе бай һәм эчтәлекле булды. Яңа уку елына планнар турында фикер алышудан тыш, чара бик күп күңелне кузгатырлык һәм илһамландыргыч моментларны үз эченә алды.
Педагогларны якынлашып килүче уку елы белән котларга мәртәбәле кунаклар килде: мәгариф һәм фән министры Илсур Һадиуллин, финанс министры Радик Гайзатуллин, ТР Дәүләт Советы депутатлары Ринат Гайзатуллин һәм Буа якташлык җәмгыяте рәисе Ирек Закиров.
«Мәктәпкә җыенырга ярдәм ит» акциясе кысаларында булачак беренче сыйныф укучылары, беренче уку елы тагын да шатлыклырак булсын өчен, дәрәҗәле кунаклар кулыннан мәктәп букчалары алдылар.
БДИның югары балл җыючылары белән рәсми булмаган очрашу «Галстуксыз сөйләшү» ачык диалог атмосферасында узды. Балалар кунакларга үзләрен борчыган сорауларын бирделәр һәм яңа тормыш бусагасында кыйммәтле киңәшләр алдылар.
Күп еллар дәвамында тормышларын гына түгел, укытучы һөнәренә тугрылыкларын да уртаклашкан парларны бүләкләү аеруча дулкынландыргыч вакыйга булды.
Буадагы август конференциясе мәгариф өлкәсенә катнашы булган һәркем өчен чын бәйрәмгә әверелде һәм алдагы уку елына көчле уңай энергия бирде.