Бердәм салым түләү мөлкәт салымнарын алдан түләргә мөмкинлек бирә
Россия Федераль салым хезмәтенең Татарстан Республикасы буенча Идарәсе искә төшергәнчә, салым түләүче - физик затлар мөлкәткә салымны, җир һәм транспорт салымнарын, физик затлар керемнәренә салымны, салым хәбәрен алуны көтмичә, аванс белән түли алалар.
Түләүне бер түләү йөкләмәсе – барлык салым салу объектлары буенча салым түләүләрен үз эченә алган бердәм салым түләве ярдәмендә башкарырга мөмкин.
Шул ук вакытта акчаларны кертү ешлыгы һәм конкрет суммалар Россия Федераль салым хезмәте сайтының салым калькуляторлары ярдәмендә башкарылган исәп-хисаплардан һәм алдагы салым чоры хисапларыннан чыгып мөстәкыйль билгеләнә. https://clck.ru/3CymKH
Иң мөһиме, таләп ителгән сумма түләү срогына формалашсын.
Бердәм салым түләве гражданның электрон янчыгына тиң булып тора, анда ул салым түләү өчен үз теләге белән акча күчерә ала.
Шул рәвешле, гражданнар үзләренең салым чыгымнарын планлаштыра, шул исәптән өлешләп милек салымнарын түләү срогы - 1 декабрьгә кадәр түләү өчен кирәкле сумманы формалаштыра алалар.
Түләүне Федераль салым хезмәте сайтындагы Шәхси кабинет, «ФЗ салымнары» мобиль кушымтасы, «Салымнар һәм пошлиналар түләү» Федераль салым хезмәте сервисы аша башкарырга мөмкин https://clck.ru/3CymQm