Татарстан Росреестры беренчел күчемсез милек базарында машина урыннарына һәм тотрыклылыкка ихтыяҗны теркәде
2024 елның 9 ае нәтиҗәләре буенча машина кую урыннарына теркәлгән хокуклар саны 22% тан артыкка арткан. Әгәр узган ел шушы вакыт аралыгында 6,8 мең хокук теркәлгән булса, быел инде – 8,3 меңгә якын.
Шул ук вакытта объектлар ипотека буенча актив сатып алына. Агымдагы елда машина урыннарына 2 меңгә якын ипотека теркәлгән (бер ел элек 1,2 мең иде), шул исәптән өлешләп төзелештә катнашу килешүләре буенча. 2024 елда барлыгы 2,1 меңнән артык шундый килешү теркәлгән. Бу узган елның шул ук чоры белән чагыштырганда ике тапкырга күбрәк (1 017).
«2024 елда машина урынына ихтыяҗ арту тенденциясе күзәтелде. Шунысы игътибарга лаек, сатып алучылар мондый объектларны төзелә торган торак комплекслар территориясендәге паркингларда кредит акчаларын кулланып ешрак сатып ала башлаган. Машина урыннарына иң күп ипотека килешүләре сентябрьгә туры килә. Августка карата аларның саны 400% ка диярлек арткан: 131 дән 632 гә кадәр», - Татарстан Росреестры җитәкчесе урынбасары Лилия Борһанова хәбәр итте.
Шулай ук Татарстан Росреестрында хәбәр итүләренчә, сентябрьдә күчемсез милекнең беренчел базары тотрыклырак булды: өлешле төзелешне теркәүләр саны август белән чагыштырганда 7% ка диярлек артты - 958 дән 1022 гә кадәр.
Икенчелдә, киресенчә, активлык кимү күзәтелә. Әйтик, августка карата торак биналарга сату-алу килешүләре нигезендә теркәлүләр саны 13% ка (5537 дән 4823 кә кадәр), ИЖС – 3,7% ка (1526 дан 1470 кә кадәр), җир кишәрлекләре – 6,5% ка (7 944 дән 7 430 га кадәр) кимегән.