Татарстанда октябрьдә икенчел күчемсез милеккә ихтыяҗ яңадан артты
Шул исәптән кредит акчаларын җәлеп итеп алынучы
2024 елның октябрендә торак урыннарга сату-алу шартнамәләре нигезендә Татарстан Росреестры тарафыннан 6.075 хокук күчеше теркәлгән, бу агымдагы елның сентябренә караганда 26% ка күбрәк. Казанда мондый Килешүләр саны сентябрь белән чагыштырганда 10% ка арткан - 1 991 дән 2 189 га кадәр.
Шулай ук октябрьдә җир кишәрлекләренә ихтыяҗ 20% ка арткан - 7 430 дан 8 948 гә кадәр. Ә менә торак йортларга, киресенчә,19% ка кимегән – 1 470 тән 1 191 гә кадәр.
Октябрьнең үзенчәлеге торак биналарга ипотека килешүләренең шактый артуы булды – 2 948 дән 3 767 гә кадәр. Шул рәвешле, сентябрьгә карата мондый Килешүләр саны 28% ка диярлек арткан.
"Сентябрьдә кимүдән соң без күчемсез милекнең икенчел базарында килешүләр санының сизелерлек артуын күзәтәбез, шул исәптән кредит акчаларын җәлеп итеп сатып алынганнарын да. Безнең мәгълүматлар буенча, фатирларга ихтыяҗ 26% ка арткан. Шул ук вакытта ипотека килешүләре саны 28% ка арткан. Уңай динамиканың бер сәбәбе булып күчемсез милек базарында активлыкның традицион артуын атап була, бу көз уртасына һәм ел ахырына якынлашып килүче чорга хас", - дип хәбәр итте Татарстан Росреестры җитәкчесе урынбасары Лилия Борһанова.
Беренчел күчемсез милек базарына килгәндә исә, Лилия Борһанова сүзләренчә, биредә вәзгыять тигез: октябрьдә өлешле төзелештә катнашу килешүләрен теркәү саны сентябрь белән чагыштырганда үзгәрмәгән диярлек: 1022 һәм 1045 өлешле төзелеш теркәлгән.
ТР Риэлторлар гильдиясе вице-президенты Руслан Садреев:
«Күчемсез милек базарында активлык күзәтелә,һәм бу югары ипотека ставкалары кебек тышкы тискәре фактор йогынтысына карамастан. Сатып алу өчен туры килә торган объект тапкан сатып алучылар килешүне кичектерми, шуңа күрә бу секторда уңай динамика саклана, шул ук вакытта күчемсез милекнең барлык сегментларында диярлек».