«Спорт коррупциягә каршы»

2024 елның 26 ноябре, сишәмбе

Халыкара коррупциягә каршы көрәш көне алдыннан 2024 елның 25 ноябрендә Импульста хатын-кызлар командалары арасында «Спорт коррупциягә каршы» волейбол уены узды. Анда район үзәк хастаханәсе командалары һәм муниципаль хезмәткәрләр катнашты.

Чараны коррупциягә каршы көрәш эшен координацияләү комиссиясе һәм Буа муниципаль районы Башкарма комитетының спорт һәм туризм бүлеге оештырды. Җыелган очколарга караганда, беренче урынны район үзәк хастаханәсе командасы яулады, икенче урында-муниципаль хезмәткәрләр. Чара йомгаклары буенча җиңүчеләргә истәлекле бүләкләр тапшырылды.