Татарстан Республикасы Икътисад министрлыгы Россия Федерациясендә конкуренция үсеше милли планын үтәү кысаларында социологик тикшеренүләр үткәрә

Татарстан Республикасы Икътисад министрлыгы Россия Федерациясе Хөкүмәтенең 2021 елның 02 сентябрендәге  2424-р күрсәтмәсе белән расланган 2021-2025 елларга Россия Федерациясендә конкуренцияне үстерү милли планын үтәү кысаларында Татарстан Республикасы товар базарларында конкурентлык тирәлеген мониторинглау максатларында эшкуарлык эшчәнлеге субъектлары һәм халыктан социологик сораштырулар үткәрә.

Социологик тикшеренүләр агымдагы елның 14 гыйнварыннан 4 февраленә кадәр Министрлыкның рәсми сайтында «Эшчәнлек» бүлегендә, «халык һәм бизнес вәкилләрен сораштыру» бүлекчәсендә онлайн анкета сораштыруы уздыру юлы белән тиешле рубрикада алып барыла.

Сораштыруны товар базарында эшчәнлек алып баручы бизнес вәкилләренә, шулай ук эшчәнлекнең төрле өлкәләре вәкилләре булган 18 яшьтән өлкәнрәк гражданнарга (укучылар, студентлар, эшчеләр, хезмәткәрләр, җитәкчеләр, хәрби хезмәткәрләр, пенсионерлар, эшсезләр һ.б.) узарга кирәк.

Эшкуарлык эшчәнлеге субъектларын сораштыруга сылтама:

https://mert.tatarstan.ru/opros-subektov-predprinimatelskoy-deyatelnosti-7386229.htm

Халыктан сораштыруга сылтама:

https://mert.tatarstan.ru/opros-potrebiteley-tovarov-i-uslug-naselenie-rt.htm