Татарстанда модернизациядән соң 26 почта бүлеге ачылды
Татарстан Республикасы Президенты Рөстәм Миңнеханов, Татарстан Республикасы дәүләт идарәсенең, мәгълүмат технологияләренең һәм элемтәсенең цифрлы үсеше министры Айрат Хәйруллин һәм Идел почтасының макротөбәге директоры Андрей Попов РФ Президенты кушуы буенча яңартылган 26 авыл бүлекчәсе эшен башлап җибәрделәр. Тантаналы чара Казанның Бәшир Рәмиев исемендәге ИТ-паркында Татарстан Республикасы Дәүләт идарәсенең, мәгълүмат технологияләренең һәм элемтәсенең цифрлы коллегиясе утырышы алдыннан узды.
Узган ел Президент Владимир Путин кушуы буенча Россия почтасы республикада 26 авыл бүлекчәсен ремонтлаган. Бу авыл җирлегендә яшәүче 48 меңнән артык татарстанлы өчен хезмәт күрсәтүнең сыйфатын арттырды. Барлыгы Россия почтасын модернизацияләү программасы буенча Татарстанда 73 авыл бүлеге төзекләндерелде инде.
«Почтаның социаль миссиясе заманча почта сервисларына һәм социаль хезмәтләргә тигез керүне тәэмин итүдә чагыла. Бу мәсьәләне тулысынча хәл итәргә авыл почта бүлекчәләрен модернизацияләү программасы ярдәм итә. Без бүлекләрне клиентлар белән элемтәнең заманча нокталарына әйләндерәбез һәм авылның үсешен хуплыйбыз», - дип билгеләп үтте Идел Почтасы макротөбәге директоры Андрей Попов.