Буаның «Гармония» үзәге өлкәннәрне медицина учреждениесенә илтүне дәвам итә
Буа районының «Гармония» халыкка социаль хезмәт күрсәтү комплекслы үзәге «Өлкән буын» Федераль проекты кысаларында авыл җирендә яшәүче 65 яшьтән өлкәнрәк гражданнарны район үзәк хастаханәсенә диспансеризация һәм профилактик медицина тикшерүе, авыру буенча мөрәҗәгатьләр, планлы госпитализация, диспансер күзәтүе һәм башка медицина ярдәме күрсәтү өчен китерүне дәвам итә.
Илтү максатчан төркемнәрне фельдшер-акушерлык пунктындагы җыелу урыныннан Буа районының медицина учреждениеләренә кадәр һәм кире кайтаруны күздә тота. Хәрәкәте чикле өлкән яшьтәге гражданнарны һәм коляскада йөрүчеләрне утырту өлкәннәр яши торган торак йортлар янына башкарыла.
2025 елга меңнән артык өлкән яшьтәге гражданны хастаханәгә илтү планлаштырыла.
Мондый профилактик тикшерүләр сәламәтлекнең төрле патологияләрен иртә стадияләрдә ачыкларга мөмкинлек бирә, бу актив озын гомер чорын арттыруга ярдәм итә.