«Эх, кызлар…» әниләр һәм бәбиләр проблемасын күтәрә

җибәрде.

- Туфан ага иҗатына тик-мәгә генә тукталмадык. Беренчедән, ул Буага еш килә иде. Бервакытта да театр ишеген ачмыйча китмәде. Киңәшләре белән дә ярдәм итте. Икенчедән, драматургның әсәрләре зур тәрбия көченә ия. Үзен хөрмәт иткән режиссер аның иҗатын үз итә, - дип аңлатты моны җирле те-атрның директоры-сәнгать җитәкчесе Раил Садриев. “Әниләр һәм бәбиләр” спектаклен карамаган тамашачы сирәктер. Халык Галиәсгар Камал исемендәге академия театры артистлары уйнавында бик тетрәндергеч, үзебезнекеләр ничек булдырырлар икән дип тә кызыксынды.

Вакыйга бала тудыру йортында бара. 12 бала анасы әкәмәт тере Гөлфинә апа (рольдә – Айгөл Сәгыева), җиде ел буе бала көтеп, әни булу бәхетенә ирешкән чибәр Валентина (Лилия Галиуллина), Алтынчәч (Айгөл Хөснетдинова), баласын алырга те-ләмәгән Дилемма (Наилә Имангулова) тамашачыны ышандырырлык образлар тудыра алдылар. Айгөлнең җырга осталыгы да нык ярдәм итә. Гөлфинә апа барысына да акыл биреп тора. Валентинаның форточка аша ире Саша белән сөйләшүе, шул ук минутта Гөлфинә апаның “Зарифуллам күренмиме?” дип аның янына килеп басуы чынбарлыктагы кебек. Артистларның яше төп геройларның яше белән дә туры килә. Баласыз хатынның (Гөлназ Гыйззәтуллина), табиб Айзәрә Әхәтовнаның (Гөлзадә Камәретдинова) рөхсәт итмәвенә карамастан өзгәләнеп бала табучылар бүлмәсенә дә кереп йөрүе, кемнеңдер ташлап калдырган баласын үзенеке итеп күрсә-тергә теләве күңелләрне нечкәртә. Тавыш операторы Лилия Камалетдинова үзен шәфкать туташы Ни-на ролендә сынап караган. Һәм, әйтергә кирәк, роле шактый уңышлы чыкты. Баласын алырга теләмә-гән Дилемма образы тамашачыларда нәфрәт уята. Пьесадагы геройлар аны сабыен алырга ничек кенә үгетләп карамыйлар. Файдасыз. Ничек итеп газиз балаңнан баш тартырга кирәк? Әмма аның әнисе Римма Әүһәдиевнаны (Римма Хәмидуллина) күргәннән соң замана “инвалидларының” кайдан килүләре ачык аңлашыла. Әнисе кызына сүз әйтергә куркып тора. Әле Дилеммасы ташлап калдырган сабыйны тәрбиягә алмакчы. 

“Эх, кызлар...” да бүгенге җәмгыятьнең көн кадагындагы проблемаларын кү-тәрә. Аларның берсе – ананың үз баласын тәрбияләргә теләмәве. Масса-күләм-мәгълүмат чараларында яңа туган сабыйларын теләсә кайда ташлап калдыручылар турында ишетеп, укып торабыз.  Ме-нә шушы теманы бик оста ачалар да инде артистлар. Спектакльнең төп өлеше тәмамланганнан соң да сәхнәгә чыккан баласыз хатын һәм Дилемманың уй-фикерләре, үзара сөй-ләшүләре уйландыра да, шул ук вакытта гыйбрәт тә.  

Әсәрне сәхнәгә Казан дәү-ләт мәдәният һәм сәнгать университетында укытучы, ТРның атказанган сәнгать эшлеклесе Раушан Шәриф куйган. Балетмейстер Эльвира Әюпова бию элементларын да кертеп, спектакльне тагын да җанландырган. Биюләрдә бер егет тә – Иске Тинчәле авылында туган, бүгенге көндә ветеринария техникумында белем алучы Ирек Гайнетдинов катнаша. Спектакль халыкка бик ошады, озаклап кул чаптылар, артистларны чәчәк-ләргә күмделәр. Репертуарның күп өлешен комедияләр тәшкил итсә дә, бу спектакль артистларның драма әсәрләрен дә уңышлы уйнауларын ачык күр-сәтте. Һәр спектакльне карап барган Р. З. Сәгъдиев исемендәге урта мәктәп-нең татар теле һәм әдәбияты укытучысы Гөлнур Айзетуллова тамашачылар исеменнән артистларга оста уйнаулары өчен зур рәхмәт белдерде, үзенең китабын һәм  шигырьләрен бүләк итте.