Буа шәһәре лицей-интернатында "Допризывник" хәрби-спорт уеннары

2025 елның 12 феврале, чәршәмбе

Гражданлык-патриотик тәрбия һәм пропаганда айлыгы кысаларында ТР Буа шәһәре лицей-интернатында 8-11 сыйныф укучылары өчен "Допризывник" дип аталган мавыктыргыч хәрби-спорт уеннары узды. Укучылар үзләренең осталыкларын төрле дисциплиналарда күрсәттеләр: Калашников автоматын сүтү һәм җыю, АК-47  җиһазлау, граната ыргыту.  Физик әзерлек балалар өчен чын сынау булды. 

Шулай ук беренче ярдәм күрсәтү, туристик әзерлек, хәрби дәрәҗә исемнәрен белү һәм хәрби җырларны сәхнәләштерү буенча конкурслар узды. 

 Балалар җиңүгә зур омтылыш белән, һәр этапта бер-берсенә ярдәм итеп, үзләренең осталыкларын һәм белемнәрен күрсәттеләр.