«Актив озак яшәү» программасы кысаларында уен терапиясе
«Гаилә» илкүләм проектының «Өлкән буын» Федераль проекты һәм актив озак яшәү программасын гамәлгә ашыру кысаларында Буаның «Гармония» комплекслы социаль хезмәт күрсәтү үзәгендә өлкән яшьтәге аз хәрәкәтчән гражданнарның һәм инвалидларның ялын оештыру һәм иҗади потенциалын гамәлгә ашыру буенча эш дәвам итә.
Өйдә социаль хезмәт күрсәтү бүлегенең социаль эш буенча белгече Шәрипова Инга даими рәвештә өйдә шахмат һәм шашка уйнау буенча дәресләр үткәрә. Уен терапиясе-өлкән яшьтәге кеше өчен файдалы ял. Өлкән яшьтәге кешеләргә, физик халәтләрен ныгыткан кебек үк, акыл эшчәнлегенә ярдәм итәргә кирәк.
Уеннар тискәре фикерләрдән һәм көнкүреш проблемаларыннан читкә юнәлтә, стресс дәрәҗәсен киметә һәм эмоциональ халәтен яхшырта.
Социаль хезмәтләр алучылар күңелле вакыт үткәргәннәре өчен рәхмәт һәм яңадан очрашу теләген белдерәләр.