Тәвәккәлләмәгез! Поездга юл бирегез!

Тимер юл кичүләре зур куркыныч зонасы булып тора. Аварияләрнең төп сәбәбе булып автотранспорт йөртүчеләренең  дисциплина үтәмәве кала, алар аңлы рәвештә тимер юл аша чыгу кагыйдәләрен санга сукмый. Ашыкмагыз, тимер юл аркылы чыкканда бик игътибарлы булыгыз! Юл-транспорт һәлакәтләре транспорт чараларына зыян гына китереп калмыйча, хәрәкәт итүче составның юлдан төшүенә, кешеләрнең үлеменә дә китерергә мөмкин.

"Поездны шундук туктатырга ярамый"! Хәтта ашыгыч тормозлау вакытында да, поездның тормоз юлы 1000 метрдан артык. Тәвәккәлләмәгез! Поездга юл бирегез! Үзегезне һәм пассажирларыгызны куркыныч астына куймагыз! 2024 елда тимер юл кичүләре челтәрендә 3 юл-транспорт һәлакәте булган, аларда 4 кеше зыян күргән, 1 кеше һәлак булган.