Махсус хәрби операция  ветераннарын һәм катнашучыларын «Батырлар. Татарстан Геройлары»  программасында катнашырга чакыралар.

Республика Рәисе Рөстәм Миңнеханов «Батырлар. Татарстан Геройлары» программасын эшләтеп җибәрү турында игълан итте. Бу «Геройлар вакыты» федераль программасының аналогы.

Программаның максаты - махсус хәрби операциядә катнашучылар һәм ветераннар арасыннан Татарстан Республикасында дәүләт һәм муниципаль идарә системасында, шулай ук башка өлкәләрдә үз потенциалын гамәлгә ашыру мөмкинлеге алачак перспектив җитәкчеләр командасын формалаштыру һәм әзерләү.

 «Бүген махсус хәрби операция зонасында меңләгән татарстанлы, хәрби бурычларын намус белән үтәп, Ватаныбыз иминлеген фидакарьләрчә саклыйлар, илебезнең киләчәге өчен көрәшәләр. Сезнең патриотлык, батырлык һәм каһарманлык – безнең барыбыз өчен дә үрнәк. Ышанам, сезнең уникаль тәҗрибәгез, күнекмәләрегез һәм белемнәрегез алга таба да мөһим дәүләт бурычларын хәл итүдә катнашырга тиеш. Ватанны саклаучылар елында 18 февральдән без ветераннар һәм махсус хәрби операциядә катнашучылар өчен «Батырлар. Татарстан Геройлары»- ил Президенты йөкләмәсе буенча эшләнгән «Геройлар вакыты» федераль программасы аналогы», - дип билгеләде  Р.Н.Миңнеханов.

«Батырлар. Татарстан Геройлары» программасына сайлап алу конкурс нигезендә узачак һәм берничә этаптан торачак: рәсми сайтта теркәлү ( https://batyrlar-rt.ru), анкета тутыру, эссе язу, тест узу һәм әңгәмә. Сайлау процедурасы һәр кандидатка, шул исәптән операция зонасында булган гамәлдәге хәрби хезмәткәрләрне дә кертеп, үзен күрсәтергә мөмкинлек бирү өчен оештырылган.

Катнашуга ветераннар яки МХО  катнашучылары булган, һөнәри белеме һәм кешеләр белән идарә итү тәҗрибәсе булган РФ гражданнарына рөхсәт ителә.

Барлык кирәкле мәгълүмат интернет-сайтта урнаштырылган.