Татарстанлыларга хәрбиләргә ярдәм итү мәсьәләләре буенча киңәшләр бирәчәкләр

2025 елның 26 феврале, чәршәмбе

Татарстанда бер көн дәвамында, 28 февральдә, хәрбиләргә ярдәм итү мәсьәләләре буенча «Хатын-кыз игътибары» кайнар линиясе эшләячәк.      

Халык белгечләр белән 10:00 дән 15:00 гә кадәр киңәшләшә алачак. Сораулар телефон аша кабул ителә: +7(843)236-00-71, +7(960)049-68-14 (WhatsApp мессенджеры), дип хәбәр иттеләр ТР Дәүләт Советында.

Акция Татарстан Республикасында Кеше хокуклары буенча вәкаләтле вәкил Сәрия Сабурская белән берлектә «Мәрхәмәт-Милосердие» хатын – кыз депутатлар берләшмәсе тарафыннан оештырылды.