«Глаголица» XII Халыкара әдәби конкурсы старт алды
"Бәхетле тарихлар" хәйрия фонды 10 яшьтән 17 яшькә кадәрге яшь язучылар һәм шагыйрьләр өчен XII Халыкара бәйсез "Глаголица" әдәби премиясе башлануы турында игълан итә. Конкурс ЮНЕСКО эшләре буенча Россия Федерациясе комиссиясе эгидасы астында уза.
130 финалист быел беренче тапкыр 26 августтан 31 августка кадәр Казанда узачак әдәби сменага бушлай юллама белән бүләкләнәчәк. Яшь язучылар өчен смена вакытында белем һәм мәдәни чаралар: танылган әдәбиятчылар, тәрҗемәчеләр, журналистлар белән иҗади очрашулар һәм башка бик күп дәресләр һәм мастер-класслар планлаштырылган. Смена тәмамлангач, 8 төрле номинациядә 13 җиңүче игълан ителәчәк.
Премиянең төп бүләге - "Бәллүр ябалак" сыны һәм планшет. Бүләкләү тантанасы Казанның С.Сәйдәшев исемендәге Зур залда La Primavera камера оркестры катнашында узачак, чараның алып баручысы Россиянең атказанган артисты Сергей Чонишвили булачак.