КУЛЛАНУЧЫЛАР ХОКУКЛАРЫН ЯКЛАУ ӨЛКӘСЕНДӘ 2025 ЕЛДА КӨТЕЛӘ ТОРГАН ЯҢА ЧАРАЛАР

2025 елның 5 марты, чәршәмбе

Кулланучылар хокукларын яклау өлкәсендә 2025 елда көтелә торган кайбер яңа чаралар:

2025 елның 5 февраленнән алкогольсез эчемлекләрнең аерым төрләрен сатуның рөхсәт режимы кертелә. Онлайн-касса «Гадел билге» системасына товарның кодын тикшерүгә запрос җибәрәчәк. Әгәр сату тыелган икән, алдан көйләнгән компьютер кисәтү бирәчәк. 

2025 елның 1 мартыннан контроль-касса техникасын теркәү һәм куллану өлкәсендә үзгәрешләр каралган. Федераль салым хезмәтенең ККТны теркәү буенча хезмәт күрсәтү срогы икеләтә кыскартылды: 10 эш көненнән 5 эш көненә кадәр. Электрон чекларны бирүнең яңа ысулы өстәлгән - «Минем чеклар Онлайн» Федераль салым хезмәте сервисы аша. 

2025 елның 1 мартыннан энергетикларны балигъ булмаганнарга сатуга федераль тыю билгеләнгән. Сатучы сатып алучыдан балигъ булуын раслый торган документ таләп итәргә хокуклы һәм, әгәр яшьтә шик булса, ә документ күрсәтелмәсә, сатудан баш тартырга тиеш. 

2025 елның 1 сентябреннән «Кулланучылар хокукларын яклау турында»гы законга төзәтмәләр үз көченә керәчәк, алар компанияләргә товарларны һәм башка өстәмә хезмәтләрне аларның актив ризалыгыннан башка сатып алучыларга тагуны тыячак.