Буа муниципаль районында коррупциягә каршы көрәш эшен координацияләү комиссиясенең киңәйтелгән утырышы.
13 мартта Буа муниципаль районында коррупциягә каршы көрәш эшен координацияләү комиссиясенең беренче планлы киңәйтелгән утырышы булды. Утырышны Буа муниципаль районы башлыгы, комиссия рәисе Ранис Камартдинов алып барды.
Утырыш башында билгеләп үтелгәнчә, коррупция теләсә кайсы дәүләт үсешенә иң җитди сорау булып кала, һәм безнең ил дә искәрмә булып тормый. Ул икътисадның тотрыклы үсешенә һәм хокук тәртибенә зыян китерә, идарә итүнең барлык тармакларына һәм өлкәләренә, эшмәкәрлек эшчәнлегенә кагыла, иҗтимагый әхлакка тискәре йогынты ясый. Коррупциягә, урлауларга һәм бюджет акчаларын максатчан файдаланмауга каршы тору, бигрәк тә илкүләм проектларны (программаларны), оборона-сәнәгать, ягулык-энергетика, агросәнәгать һәм транспорт комплексын гамәлгә ашыру өлкәләрендә, Татарстан Республикасы буенча өстенлекле юнәлешләрнең берсе булып кала.
2024 елда Татарстан Республикасы хокук саклау органнары тарафыннан коррупция юнәлешендәге 972 җинаять ачыкланган. Шулардан 491-дәүләт хакимиятенә каршы җинаять, 435—ришвәтчелек фактлары (173—ришвәт алу, 193-ришвәт бирү).
Татарстанда хокук саклаучылар җитәкче вазифаларын биләүче түрәләргә каршы эшне тикшергәннәр. Коррупция җинаятьләреннән килгән зыян 210 млн сум тәшкил иткән. 21 кешегә иректән мәхрүм итү билгеләнгән.
Барлыгы 2024 елда тикшерүчеләр 4,6 меңнән артык җинаять эше кузгаткан, шуларның 890ы—коррупция фактлары буенча, бу 2023 елга караганда 8% ка күбрәк. Судка җибәрелгән эшләр саны 37,6% ка арткан (242 дән 333 кә кадәр), суд каршына 354 гаепләнүче баскан, бу 2023 елга караганда 31,6% ка күбрәк.
Комиссия утырышында 2024 елга йомгаклар белән Буа шәһәре прокуроры Тимур Фатыйхов, "Буа муниципаль районы Контроль-хисап палатасы" МКУ рәисе Рамил Әһлиуллин, "Буа муниципаль районы Финанс-бюджет палатасы" МКУ рәисе Азат Әюпов, Буа муниципаль районы Башкарма комитеты җитәкчесенең беренче урынбасары Рифат Хәмидуллин, Милек һәм җир мөнәсәбәтләре палатасы рәисе Анастасия Таканаева чыгыш ясады.
Утырыш йомгаклары буенча катнашучыларның игътибары бюджеттан финанслау алучы муниципаль учреждениеләрдә һәм оешмаларда коррупциягә каршы көрәш турындагы законнарның үтәлешен, шулай ук бу учреждениеләрдә һәм оешмаларда коррупцион хокук бозуларны профилактикалау, шул исәптән мәнфәгатьләр конфликтын кисәтү, ачыклау һәм җайга салу чараларын гамәлгә ашыруны контрольдә тотуны көчәйтүгә юнәлтелде.