«Хәтер бакчасы» халыкара акциясе
«Хәтер бакчасы» халыкара акциясе 2020 елдан башлап «Хәтер бакчасы» коммерцияле булмаган оешмасы, «Җиңү волонтерлары» Бөтенроссия иҗтимагый хәрәкәте һәм Җиңү полководецлары Хәтер фонды инициативасы белән үткәрелә. Проект 2020 елда Ржев мемориалы территориясендә үзенең истәлекле агачын утырткан Россия Президенты В.В. Путин кушуы буенча гамәлгә ашырыла. Акция Россия Табигать министрлыгы һәм урман хуҗалыгы федераль агентлыгы катнашында «Экологик иминлек» илкүләм проектына (2024 елга кадәр – «Экология» илкүләм проекты) ярдәм йөзеннән үткәрелә.
Масштаблы экологик-патриотик акциянең төп максаты-Бөек Ватан сугышында һәлак булган һәр кешенең истәлегенә ел саен 27 млн агач утырту. Акциянең символизмы - геройлар хөрмәтенә яшел һәйкәлләр барлыкка килү- буыннар дәвамчанлыгы, Ватанны саклаучыларның батырлыкларын мәңгеләштерү, шулай ук илебезнең урман байлыкларын саклау һәм торгызу бурычларын хәл итә. Ел саен яшел һәйкәлләрне Россиянең барлык субъектларында, шулай ук чит илләрдә утырталар. Акция уздырылган биш ел эчендә истәлекле бакчалар утыртуга дөньяның 78 иленнән миллионлаган ирекле хезмәткәрләр кушылды, алар уртак көч белән 130 миллионнан артык истәлекле агач утырттылар.
Акциягә Россиянең тарихи төбәкләрендә яшәүчеләр дә актив кушыла: Луганск һәм Донецк Халык Республикаларында, Херсон һәм Запорожье өлкәләрендә һәлак булган сугышчылар истәлегенә аллеялар утыртылды.
2025 елда акция аеруча әһәмияткә ия булачак – Россия Федерациясенең барлык субъектларында, тарихи төбәкләрне дә кертеп, шулай ук чит илләрдә Җиңүнең 80 еллыгын бәйрәм итү кысаларында истәлекле агачлар утыртылачак: «Хәтер бакчасы» акциясе юбилей датасы хөрмәтенә үткәрелә торган төп чаралар исемлегенә кертелде. Быел агач утырту шулай ук Ватанны саклаучылар елына туры китерелә. Акция бөтен дөньядан кешеләрне берләштерүче Халык инициативасы статусында ныклап урнашты, дип билгеләп үтә оештыручылар.
Акциягә теләгән һәркем кушыла ала. Сайтның интерактив картасында төбәкне сайларга һәм уңайлы урында теркәлергә кирәк. Кирәкле инвентарьны һәм утырту материалын урында бирәчәкләр. Акциядә катнашучылар шулай ук үзләренең истәлекле агачларын мөстәкыйль утырта алалар, шуннан соң проект картасына локация өсти алалар.