Туберкулез буенча вәзгыять
Татарстан Республикасы буенча Роспотребнадзор идарәсе Сезгә хәбәр итә: дөньяда һәм Россия Федерациясендә туберкулез буенча эпидемиологик вәзгыять имин түгел. Ел саен дөньяда 9 млн. кеше, Россия Федерациясендә 40 меңгә якын кеше, Татарстан Республикасында 800дән артык кеше туберкулез белән авырый.
Татарстан Республикасында 2024 елда республикада туберкулез белән авыручылар саны 10% ка кимү ягында уңай динамика күзәтелә. 1140 туберкулез белән авыручы исәптә тора, шул исәптән 403 ачык форма белән микобактерияләр бүлеп чыгаручы авыру (35,4%).
Ел саен 24 мартта Бөтендөнья сәламәтлек саклау оешмасы инициативасы белән Бөтендөнья туберкулезга каршы көрәш көне үткәрелә, аның максаты-туберкулез проблемаларына җәмгыятьнең игътибарын җәлеп итү һәм халыкның авыру турында хәбәрдарлыгын арттыру һәм аны профилактикалау чаралары. Бөтендөнья туберкулезга каршы көрәш көне кысаларында 2025 елның 20 мартыннан 11 апреленә кадәр республикада туберкулезны профилактикалау һәм иртә ачыклау буенча күп төрле чаралар үткәрү планлаштырыла:
- актив агитация пропагандасы, «кайнар линияләр», «ачык ишекләр көннәре» оештыру, рәсем конкурслары, санитария бюллетеньнәре үткәрү, мобиль операторлар абонентларына мәгълүмати хәбәрләр җибәрү һ. б.;
- халыкны стационар һәм күчмә рентгенфлюорография кабинетларына илтү өчен транспорт (автобуслар) биреп, ерак авылларда, бистәләрдә яшәүчеләрне флюорографик тикшерүгә җәлеп итү.